24 ივნისის გადაწყვეტილება არსებულ კანონებთან წინააღმდეგობაში არ მოდის. აღნიშნული განცხადება საკრებულოს ნაციონალური მოძრაობის ერთ-ერთმა ლიდერმა კონსტანტინე იონათამიშვილმა ქრისტიან-დემოკრატიული მოძრაობის ერთ-ერთი ლიდერის, ინგა გრიგოლიას საპასუხოდ გააკეთა.
მისი თქმით, უმრავლესობა საქალაქო სასამართლოს მხრიდან ასეთ გადაწყვეტილებას ელოდა.
"როდესაც ამ გადაწყვეტილებას ვიღებდით, ჩვენი ამოცანა იყო, ხელი შეგვეწყო დედაქალაქში სისუფთავის შენარჩუნებისთვის და სისტემის ეფექტურობისთვის. ამ ამოცანის შესასრულებლად კი ყველაზე ადეკვატურ ფორმად სწორედ დასუფთავების გადასახადის მოხმარებული ელექტროენერგიის გადასახადზე მიბმა იყო. კიდევ ერთხელ მინდა გავიმეორო, რომ გადასახადი მნიშვნელოვნად მხოლოდ მოსახლეობის 20%-ს გაუძვირდა. ეს ის კატეგორიაა, რომელსაც უფრო მეტი შემოსავალი აქვს და მეტ ელექტროენერგიას მოიხმარს. რაც შეეხება დანარჩენ მასას, ნაწილს გაუიაფდა, ნაწილი კი იმავე მოცულობის გადასახადს იხდის. დღეს ჩვენი მთვარი ამოცანაა იმ ათასობით ოჯახის გაზიფიცირება, რომლებსაც ბუნებრივი აირი არ აქვთ და ზამთრის დადგომამდე აუცილებლად დავასრულებთ ამ სამუშაოს. დედაქალაქში არის რამდენიმე ისეთი სახლი, შენობა, ნაგებობა, სადაც ტექნიკური უსაფრთხოების პატრამეტრების თვალსაზრისით გაზის შეყვანა რთულია. გვინდა გამოვცხრილოთ ასეთი აბონენტები და თითოეული მათგანის მიმართ რაიმე სახის კონპენსაცია გავცეთ",- განაცხადა იონათამიშვილმა და დასძინა, რომ ამ ეტაპზე ხელისუფლების ამოცანა სოციალურად რთულ პირობებში მცხოვრები მოსახლეობის მდგომარეობის გაუმჯობესებაა. ამისთვის მომზადებული წინადადებები კი ახლო მომავალში გახდება ცნობილი.
ინგა გრიგოლიამ დღეს საკრებულოს სხდომაზე საქალაქო სასაართლოს მიერ მიღებული გადაწყვეტილება გააპროტესტა და ნაცმოძრაობა სასამართლოზე ზეწოლაში დაადანაშაულა.
ქდმ-მ ერთიანი ქვითრის შემოტანა სასამართლოში გააპროტესტა.
