აჭარის მთავრობის თავმჯდომარე გერმანიაში ვიზიტის დროს მსხვილი სანაოსნო კომპანიის "Columbia Shipmanagement"-ის ხელმძღვანელს ჰენრიჰ შოლერს შეხვდა.
"Columbia Shipmanagement"-ს საქართველოსთან ხანგრძლივი და ნაყოფიერი თანამშრომლობა აკავშირებს. იქ დასაქმებულია 600 ქართველი საზღვაო ოფიცერი და ბათუმის საზღვაო აკადემიიდან ყოველწლიურად 10 წარჩინებული კადეტი გადის სტაჟირებას. ისინი პროგრამის წარმატებულად გავლის შემდეგ კომპანიაშივე საქმდებიან.
ვარშალომიძე-შოლერის შეხვედრაზე განიხილეს საზღვაო სფეროში თანამშრომლობის გაფართოების საკითხები. იქვე წარმოიშვა კომპანიის მიერ ტურიზმის კუთხით აჭარაში ინვესტირების იდეაც. მთავრობის თავმჯდომარემ "Columbia Shipmanagement" ხელმძღვანელი ბათუმში დაპატიჟა.
"Columbia Shipmanagement" მართვაშია სხვადასხვა ტიპის 600 გემი და ტანკერი. მის მფლობელობაშია წარმატებული სასტუმრო და სარესტორანო ბიზნესიც.
