დღეს, 29 სექტემბერს, მე-19 საყოველთაო ნათლობა გაიმართება. სრულიად საქართველოს კათალიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე ბავშვებს ყოვლაწმინდა სამების საპატრიარქო ტაძარში მონათლავს. პატრიარქის ნათლული კიდევ 450 ჩვილი გახდება.
პატრიარქის გადაწყვეტილებით, ნათლობა დღის მეორე ნახევარში გაიმართება.
დღეისათვის პატრიარქის ნათლული 9200-ზე მეტი ბავშვია, რომლებიც ჯვარდაწერილი ოჯახების მესამე და მომდევნო შვილები არიან. ჩვილთა პირველი საჯარო ნათლობა წმინდა სამების საპატრიარქო ტაძარში 2008 წლის 19 იანვარს გაიმართა.
