საქართველოს მართლმადიდებელი ეკლესია ღირსი ამბა იოსებ ალავერდელის ხსენების დღეს აღნიშნავს. ტაძრებში წირვა-ლოცვა სრულდება. ალავერდის ტაძარში კი, სადაც მომლოცველები საქართველოს სხვადასხვა კუთხიდან ცავიდნენ, ღამისთევის მსახურება შესრულდა.
იოსებ ალავერდელი, ამბა ალავერდელი, საქართველოში მოღვაწე ერთ-ერთი ასურელი მამა ცამეტთაგან. მოვიდა ქ. ანტიოქიიდან VI საუკუნის შუა წლებში იოანე ზედაზნელთან ერთად. ცხოვრობდა ზედაზნის მონასტერში, შემდეგ მდინარე ალაზნის მარჯვენა ნაპირას დააარსა ალავერდის მონასტერი (აუგია წმ. გიორგის სახელობის ეკლესია, დასაფლავებულია იქვე). მისმა მოღვაწეობამ ხელი შეუწყო კახეთის ამ მხარეში ქრისტიანობის განმტკიცებას.
