"გუშინ, გვიან ღამით, რუსთავის მე-17 საპყრობილეში ციხის ე.წ. მაყურებლებსა და პატიმრებს შორის დაპირისპირება მოხდა. დაპირიპირების მიზეზი პატიმრებზე განხორციელებული ზეწოლაა. ციხის ადმინისტრაციის მიერ კონტროლირებადი ე.წ. მაყურებლები პატიმრებს ჩვენებების შეცვლას აიძულებდნენ. პატიმრებმა ზეწოლის ეს და სხვა ფაქტები გააპროტესტეს, რასაც ე.წ. მაყურებლებთან შეტაკება მოჰყვა. ამ დროისათვის პატიმრები სხვადასხვა საპყობილეში ჰყავთ გადაყვანილი. მათი მდგომარების შესახებ არაფერია ცნობილი. ადვოკატი გელა ნიკოლეიშვილი გაუჩინარებულ პატიმრებს ეძებს და რუსთავის მე-6 საპყრობილეში იმყოფება. შეგახსენებთ, რომ ილგარ მამედ-ზადე გასულ კვირას რუსთავის მე-17 საპყრობილეს დირექტორს ლაშა ბრეგვაძეს ფიზიკურ ზეწოლაში ადანაშაულებდა, მაგრამ მოგვიანებით, ეს ჩვენება შეცვალა", - აღნიშნულია განცხადებაში.

სამოქალაქო ფრონტი მოუწოდებს სამოქალაქო საზოგადოებას უფრო მეტი აქტიური მოქმედებებისკენ, უფრო მეტი სოლიდარობისკენ, რათა საქართველოში ძალადობას შეექმნას ადექვატური ბარიერი.

"თუ კიდევ ერთხელ ექნება ადგილი, მსგავს სიმხდალეს, პირდაპირ მოვუწოდებთ საქართველოს ახალგაზრდობას გადავიდნენ ადექვატურ მოქმედებებზე და დაიწყონ ანგარიშსწორება, რის განხორციელებაზეც პასუხისმგებლობას ჩვენ ავიღებთ", - ნათქვამია განცხადებაში.