24 სექტემბერს ჩარგალში, სახალხო დღესასწაულ "ვაჟაობაზე", სპორტული და კულტურული ღონისძიებები იგეგმება. ამის შესახებ "ჯი-ეიჩ-ენს" დუშეთის გამგებელმა, ლაშა ჯანაშვილმა განუცხადა.
"ვაჟაობაზე" ვგეგმავთ სხვადასხვა საინტერესო ღონისძიებას, მათ შორის სპორტულს და კულტურულს. დილიდან იქნება შეჯიბრება მკლავჭიდსა და დოღში. ველოდებით ძალიან ბევრ სტუმარს, იქნებიან დიპლომატიური სამსახურის წარმომადგენლები, პოლიტიკოსები და ხელოვნების სხვადასხვა სფეროს მოღვაწეები. ყველა მსურველს შეეძლება ვაჟას სახლ-მუზეუმში მოსვლა და ღონისძიებაზე დასწრება", - განუცხადა "ჯი-ეიჩ-ენს" ჯანაშვილმა.
ცნობისთვის: ჩარგალში, "ვაჟაობის" დღესასწაულთან დაკავშირებით, ანსამბლი "რუსთავი" კონცერტს 14:00 საათზე გამართავს.
