დღეს ღვთისმშობლობაა. დღესასწაულთან დაკავშირებით სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დიდუბეში, ღვთისმშლობლის სახელობის ეკლესიაში წირვა ჩაატარა.
წირვის დასრულების შემდეგ პატრიარქმა იქადაგა და მრევლს დღევანდელი დღესასწაულის მნიშვნელობაზე ესაუბრა. დღესვე ილია მეორემ რამდენიმე მღვდელმსახური დააჯილდოვა.
"ღვთისმშობელმა დაიცვას და დაიფაროს ჩვენი ახალგაზრდობა. ახალგაზრდობა მრავალი პრობლემების წინაშე დგას. მრავალი საცდურია ჩვენი ახალგაზრდების წინაშე და ყოვლადწმინდა ღვთისმშობელმა მისცეს სული გონიერი და ხედვა სულიერი, რომ არ იყოს ჩვენთან არც ნარკომანია და არც სხვა ცუდი საქმეები. ყოვლადწმინდა ღვთისმშობლემა გადაგაფაროთ თავისი კალთა თქვენ და სრულიად საქართველოს. ყოვლადწმინდა ღვთისმშობელმა დაგვიბრუნოს აფხაზეთი და სამაჩაბლო თავისი მოწყალებით", - იქადაგა პატრიარქმა.
