საქართველოში შიდსის ვირუსით კიდევ სამი ადამიანი გარდაიცვალა. სამივე დაღუპული მამაკაცი იყო. მედიკოსთა განცხადებით, სამივე შემთხვევაში გარდაცვალების მიზეზი დაგვიანებული დიაგნოსტიკა და მკურნალობა გახდა.
ინფექციური პათოლოგიის, შიდსისა და კლინიკური იმუნოლოგიის ეროვნული ცენტრის მონაცემებით, მიმდინარე წელს ვირუსით ინფიცირების 300 ახალი შემთხვევაა დაფიქსირებული.
2011 წელს შიდსით სულ 86 ადამიანი გარდაიცვალა, რომელთაგანაც 13 ქალი და 73 მამაკაცია. დარეგისტრირებულ შიდსით გარდაცვლილთა ასაკი, ძირითადად, 30-დან 50 წლამდე მერყეობს.
