"იმიჯ ცენტრის" ხელმძღვანელი ია კიწმარიშვილი კულტურის სამინისტროს მხარდაჭერას სთხოვს. ამის შესახებ მან "ჯი-ეიჩ-ენთან" საუბარში განაცხადა.
"ჩვენთვის მნიშვნელოვანია, ის რომ ყველა წარმატებული ქვეყნის რიგში საქართველოს სახელი ჟღერს. ეს ძალიან დიდი მიღწევაა, რაშიც ჩვენ ძალიან დიდი დროს და ენერგიას ვდებთ. ამ ყველაფერში პირადად ჩემს სახსრებსა და ენერგიას ვხარჯავ. ბევრად უფრო ბედნიერი ვიქნებოდი, თუ ამაში საქართველოს კულტურის სამინისტრო დაგვეხმარებოდა. მათგან ასეთი უყურადღებობის მიზეზს ვერ გეტყვით. ამ კონკურსს ტურიზმის განვითარებისთვის ძალიან დიდი მნიშვნელობა აქვს. ყველა ქვეყანაში ძალიან დიდ ყურადღებას აქცევენ და მასშტაბურად აფინანსებენ. იმედი მაქვს, რომ საქართველოშიც გაიაზრებენ ამ კონკურსების მნიშვნელობას, ტურიზმის განვითარებას და უფრო მეტი ყურადღება მოგვექცევა", - განაცხადა "ჯი-ეიჩ-ენთან" კიწმარიშვილმა.
შეგახსენებთ, რომ სამოდელო სააგენტო "იმიჯ ცენტრი" ია კიწმარიშვილის ხელმძღვანელობით წლებია, გოგონებს მსოფლიო კონკურსებსზე აგზავნის. წელს ის "მისს მსოფლიოზე" საქართველოდან უკვე მეცხრე კონკურსანტს წარადგენს.
