დღეს, 20 სექტემბერს, 13:00 საათზე, შავი ზღვის საერთაშორისო უნივერსიტეტში გაიმართება დისკუსია თემაზე: კონფლიქტების მოგვარების ალტერნატიული გზები. დისკუსია მშვიდობის კვირეულის ფარგლებში იმართება.
21 სექტემბერი მშვიდობის საერთაშორისო დღეა. აღნიშნულთან დაკავშირებით, თბილისის ადამიანის უფლებათა სახლი შავი ზღვის საერთაშორისო უნივერსიტეტში
აწყობს მშვიდობის კვირეულს
ძირითადი მომხსენებლები იქნებიან ადამიანის უფლებათა ცენტრის წარმომადგენელი უჩა ნანუაშვილი - - "სამშვიდობო კამპანიები საქართველოში და მათი როლი, კონფლიქტების მოგვარების მშვიდობიანი გზები"; www.humanrigths.ge-ის მთავარი რედაქტორი ალეკო ცქიტიშვილი - "მედიის როლი სამშვიდობო პროცესებში". მოდერატორია თბილისის ადამიანის უფლებათა სახლის წარმომადგენელი ნინო ღვედაშვილი.
ღონისძიება ტარდება შავი ზღვის საერთაშორისო უნივერსიტეტის სოციალურ მეცნიერებათა კლუბის მხარდაჭერით. პროექტის მხარდამჭერია შვეიცარიის საელჩო საქართველოში.
