დღეს, 20 სექტემბერს, 15:00 საათზე, მერაბ ბერძენიშვილის კულტურის საერთაშორისო ცენტრ "მუზაში" გაიმართება კონკურსი სოციალურად დაუცველი მოზარდებისთვის.
კულტურის ცენტრ "მუზასა" და ვაკე-საბურთალოს გამგეობის ერთობლივი პროექტი გულისხმობს კონკურსის სახით ნიჭიერი ბავშვების შერჩევას, რომელთაც საშუალება მიეცემათ ერთი წლის განმავლობაში უსასყიდლოდ ისწავლონ სამხატვრო სტუდია "მუზაში", მერაბ ბერძენიშვილის ხელმძღვანელობით.
კონკურსს დაესწრებიან ვაკე-საბურთალოს რაიონის გამგებელი და სტუდიის პედაგოგები.
