მოძრაობა "სოლიდარობა უკანონო პატიმრებს" საქართველოს ადვოკატთა ასოციაციის მიერ ორგანიზებულ აქციას შეუერთდება.
' ბოლო პერიოდში შემაშფოთებელი სახე მიიღო ხელისუფლების მხრიდან ადვოკატების მიზანმიმართულმა დევნამ და მათი პროფესიული საქმიანობისთვის ხელის შეშლამ. ადვოკატების დაპატიმრება ხდება კანონიერი საფუძვლის გარეშე, ხელოვნურად შექმნილი საბაბით ა და მოტივით. არის ფაქტები ადვოკატების მიმართ შეურაცხყოფის, ზეწოლის, შანტაჟის და ა.შ..", - აცხადებს ეკა ბესელია.
მისი განცხადებით, შეუძლებელია ქვეყანაში ადამიანის უფლებათა დაცვაზე საუბარი იმ ვითარებაში, როდესაც ადვოკატები თავს დაუცველად გრძნობენ და მათი საქმიანობის გაბედულად და დამოუკიდებლად განხორციელების პირობები არ არსებობს.
ადვოკატთა ასოციაციის მიერ ორგანიზებულ აქცია 26 სექტემბერს გაიმართება.
