სრულიად საქართველოს კათოლიკოს-პატრიარქმა, უწმინდესმა და უნეტარესმა, ილია მეორემ მრევლს გაჭირვებული ადამიანების დახმარებისკენ მოუწოდა.
"მოწყალება - ეს არის გზა სასუფევლისკენ. ღმერთი შეიწყალებს მოწყალე ადამიანს. დღეს ხშირად გაჭირვებულ ადამიანებს ვერ ამჩნევენ",- განაცხადა უწმინდესმა სამების საკათედრო ტაძარში საკვირაო ქადაგებისას.
მისი თქმით, ადამიანმა სასწაული საკუთარ თავში უნდა იპოვოს.
"უნდა ჩავიხედოთ ჩვენს გულებში, რადგან ჩვენი გული არის ტაძარი სულისა წმინდისა. როგორც ღმერთი მიდის ადამიანთან, ასევე უნდა მოვიქცეთ ჩვენც და უნდა მივიდეთ ღმერთთან",- ბრძანა ილია მეორემ.
