პროფკავშირების ინფორმაციით, ქუთაისში, მეტალურგებს პოლიციაში ხელწერილი დააწერინეს, რომლის თანახმადაც, ისინი გაფიცვას აღარ მოაწყობენ. ამის შესახებ "ჯი-ეიჩ-ენს" პროფკავშირების წარმომადგენელმა თამაზ დოლაბერიძემ განუცხადა.
"გუშინდელი მიტინგის დასარბევად 150-მდე პოლიციელი მოვიდა. მათ დაიწყეს მომიტინგეების დაკავება. მიტინგის დროს 12 ადამიანი დააკავეს, შემდეგ კი დაახლოებით 30 მეტალურგის დაკავება მოხდა. მათთვის ფიზიკური და სიტყვიერი შეურაცხყოფა არ მიუყენებიათ, თუმცა ხელწერილი დააწერინეს, რომ გაფიცვა აღარ მოაწყონს. ისინი ღამის 3 საათზე გაანთავისუფლეს", - განაცხადა დოლაბერიძემ "ჯი-ეიჩ-ენთან" საუბრისას.
შეგახსენებთ, რომ ქართულ-ინდური საწარმო "ჰერკულესის" 4 მეტალურგი რამდენიმე დღე შიმშილობდა, 100-მდე მუშას კი, 13 სექტემბრიდან, გაფიცვა ჰქონდა გამოცხადებული
