უკრაინის წამყვანი არხის "ინტერის" ეთერში საქართველოს კვირეული სრულდება. დღეს დილის წამყვანები გადაცემას თბილიდან წარუძღვებიან. ისინი დედქალაქის შესახებ ისაუბრებენ. მათი სტუმრები ეკონომიკის მინისტრრი ვერა ქობალია და მომღერალი და მსახიობი ბუბა კიკაბიძე იქნებიან. ასევე გადაიცემა შს მინისტრის ინტერვიუ და ამ უწყებაზე მომზადებული სპეციალური რეპორტაჟი.
ხუთი დღის განმავლობაში უკრაინელი ჟურნალისტები "ინტერის" ეთერში საქართველოს სხვ ადა სხვა კუთხიდან ჩაერთნენ, მათ შორის სვანეთიდან, აჭარიდან, კახეთიდან და ანაკლიიდან.
გადაცემის პროდიუსერის თქმით, ჩართვების პერიოდში მათი რეიტინგი გაიზარდა, განსაკუთრებით მაშინ, როდესაც ეთერში საქართველოს პრეზიდენტი მიხეილ სააკაშვილი ჩაერთო. კვირეულის ფარგლებში ჟურნალისტებმა სიუჟეტები, ქართულ ტრადიციებსა და კულტურაზე მოამზადეს.
