რუს დირიჟორს მიხაილ არკადიევს საქართველოს მოქალაქის პასპორტი საქართველოს პრეზიდენტმა მიხეილ სააკაშვილმა გადასცა, თუმცა მანამდე ის იმ კონცერტს დაესწრო, რომელსაც არკადიევი დირიჟორობდა.
არკადიევი კიდევ ერთი რუსი ხელოვანია, რომელაც საქართველოს ხელისუფლებას მოქალაქეობის მიღების თხოვნით მიმართა. იგი რუსეთის ხელისუფლების მიერ მისი პოლიტიკური შეხედულებების გამო იდევნება.
არკადიევისათვის პასპორტის გადაცემის ცერემონია კონცერტის დასრულების შემდეგ გაიმართა.
სააკაშვილის თქმით, მასზე ძალიან იმოქმედა მისმა წერილმა - "საქართველოს მოქალაქეობა ეს არ არის ეთნიკური იდენტურობის ნიშანი, ჩემი აზრით ეს არის იდეა თავისუფლებისა და თავისუფალი ადამიანების, აქედან გამომდინარე ყველა თავისუფალ ადამიანს აქვს უფლება გახდეს თავისუფალი ქვეყნის - საქართველოს მოქალაქე", _ განაცხადა პრეზიდენტმა. თავის მხრივ არკადიევმა დასძინა, რომ ეს მოულოდნელი იყო, რაც მისთვის დიდი პატივია.
მასალის გამოყენების პირობები
