"ალ ქაიდას" ახალი ლიდერი აიმაზ აზ-ზავახირი, რომელზეც აშშ-ს სპეცსამსახურები "ნადირობენ" პაკისტანიდან იემენში ან სომალში გადავიდა. ინფორმაციას ამის შესახებ ამერიკული ტელეკომპანოა "NBC" ავრცელებს.
პაკისტანის დაზვერვაში არსებულ წყაროზე დაყრდნობით, ტელეკომპანია იუწყება, რომ მის მიერ გავრცელებული ინფორმაცია სანდოა. ტელეკომპანია ასევე იუწყება, რომ ინფორმაციას იმის შესახებ, რომ აზ-ზავახირმა რეგიონი დატოვა ავღანელ თალიბებს შორის არსებული წყაროც ადასტურებს.
თუმცა, მიუხედავად ამისა პენტაგონში აცხადებენ, რომ აზ-ზავახირი კვლავინდებურად პაკისტანში რჩება.
60 წლის ეგვიპტელი აზ-ზავახირი, რომელშიც ვაშინგტონი უკვე იხდის 25 მილიონ აშშ დოლარს, ამ დრომდე "ალ ქაიდას" დამფუძნებლის ოსამა ბენ ლადენის "მარჯვენა ხელად" ითვლებოდა. ეს უკანასკნელი აშშ-ს სპეცსამსახურებმა მიმდინარე წლის 2 მაისს გაანადგურეს. აზ-ზავახირი ახალ ლიდერად 16 ივნისს "დანიშნეს".
აღსნიშნავია, რომ "ცე-ერ-უს" დირექტორი დევიდ პეტრიუსი აცხადებს, რომ აზ-ზავახირს "ალ ქაიდას" ბოევიკთა შორის სრული ავტორიტეტი არ გააჩნია.
"ჩვენ მიგვაჩნია, რომ მას დაჯგუფების წევრებს შორის ერთიანობის შენარჩუნება უფრო უჭირს, ვიდრე ბენ ლადენს", _ აცხადებს პეტრეუსი.