ნებისმიერ მეწარმეს, რომელიც თბილისშია რეგისტრირებული, შესაძლებლობა აქვს დაიწყოს საკუთარი ბიზნესი, განავითაროს ის და დაასაქმოს თბილისელები. სესხს კი საკუთარი ბიზნეს გეგმის განსახორციელებლად მათ კომერციული ბანკები უპრეცენდენტოდ დაბალი განაკვეთით ( 6-8%) 60 თვის ვადით გამოუყოფენ.

პროექტის ფარგლებში, პარტნიორ ბანკებთან ერთად, თბილისის მერია დააფინანსებს ყველა საუკეთესო პროექტს, რომლებიც ქალაქში ახალ სამუშაო ადგილებს შექმნის.
საკონკურსო განაცხადებს ტელე-ეთერში სპეციალური კომისია განიხილავს, რომლის შემადგენლობაში თბილისის მერი და პროექტში მონაწილე კომერციული ბანკების ხელმძღვანელები შედიან.

გამარჯვებული მეწარმეები ახალ წლამდე გამოვლინდებიან. ადგილობრივი ბიზნესის ხელშეწყობის პროექტს თბილისის მერია 2006 წლიდან ახორციელებს, რომლის ფარგლებში 56 საწარმო დაფინანსდა და ქალაქში ასობით სამუშაო ადგილი შეიქმნა.

ტელე-პროექტში:"დასაქმდი და დაასაქმე"მონაწილეობის მსურველებს შესაძლებლობა აქვთ შეავსონ ანკეტები ელექტრონულად თბილისის მერიის ოფიციალურ ვებ-გვერდზე: Tbilisi.gov.ge ან გაზეთ: "Prime Time"- ში, დაურთონ განაცხადი, ფოტო სურათი და შეიტანონ მისამართზე: J.შარტავას ქუჩა 7
განაცხადები მიიღება 6 სექტემბრიდან 1 ოქტომბრამდე.