ისრაელის საგარეო საქმეთა მინისტრის მოადგილე დანი აიალონი პალესტინის მიერ გაეროში დამოუკიდებლობის შესახებ განაცხადის გაკეთების შემთხვევაში არ გამორიცხავს, რომ ისრაელმა სადავო ტერიტორიებზე იერიში მიიტანოს და მათი ამჟამად არსებული სტატუსი შეცვალოს.
"ისრაელი უფლებას იტოვებს შეცვალოს ისმ ტერიტორიების სტატუსი, რომელსაც დღეს "ოკუპირებული" ეწოდება. ის რაც მოხდება გაეროში - ვირტუალობა იქნება. ხოლოდ ის რასაც ჩვენ ვაკეთებთ რეალურად, ისრაელის კონკრეტულ რაიონებში, ჩვენს მომავალზე იქონიებს გავლენას და ჩვენს უსაფრთხოებას გააძლიერებს. იმ შემთხვევაში თუ აბუ-მაზენი და მისი კომპანია ცალმხრივად გამოაცხადებენ თავისი სახელმწიფოს შექმნის შესახებ ეს ავტომატურად იმის მაუწყებელი იქნება, რომ ჩვენი ყველა შეთანხმება პალესტინელებთან ანულირდა", _ აცხადებს საგარეო საქმეთა მინისტრის მოადგილე.
მისივე თქმით, იმ მომენტში როდესაც პალესტინა გაეროს მიმართავს და დამოუკიდებლობას მოაითხოვს, ისრაელი საბოლოოდ დარწმუნდება იმაში, რომ პალესტინელებს არ სურთ მშვიდობა და ისინი კონფლიქტის გამწვავებისკენ მიდიან.
"იმის გამო, რომ ყველა შეთანხმება იმ მომენტისათვის ანულირდება ჩვენს წინაში რიგი შესაძლებლობები გაიხსნება - პალესტინელებისათვის ფულის გადარიცხვის შეჩერებიდან დაწყებული ამა თუ იმ ტერიტორიების სტატუსის შეცვლით დამთავრებული. ეს სულაც არ არის მიუღებელი და განუხორციელებელი რამ - ხელახლა ავწონ-დავწონოთ მიდგომა იმ ტერიტორიების მიმართ, რომლებიც ნებისმიერ შემთხვევაში ისრაელის სუვერენიტეტის ქვეშ დარჩებიან. უპირველეს ყოვლისა აღმოსავლეთ იერუსალიმს და მსხვილ კონგლომერატულ სადახლებებს ვგულისხმობ", _ აცხადებს დანი აიალონი და აღნიშნავს, რომ ისრაელმა მრავალი შეღავათი გაუკეთა პალესტინელებს და ორი წელი ელოდა მათ დაბრუნებას მოლაპარაკებების მაგიდასთან, გაყინა ახალი დასახლებების მშენებლობა, მოსპო უამრავი საკონტროლო-გამშვები პუნქტი - ყველაფერი კი იმის გამო გაკეთდა, რომ აბუ-მაზენი ისრაელთან დიალოგს დასთანხმებოდა.
"ამიტომაც ამგვარი მოთხოვნის გაეროში გაჩენისთანავე, ჩვენ არ დაგვრჩება არც ერთი მიზეზი იმისა, რომ სადაო ტერიტორიებზე მოქმედებებისაგან თავი შევიზღუდოთ", _ აცხადებს ისრაელის საგარეო საქმეთა მინისტრის მოადგილე.
