მსახიობი ჯონ მალკოვიჩი საქართველოში გუშინ ჩამოვიდა და თბილისის ძველი უბნები ქალაქის მერთან, გიგი უგულავასთან ერთად უკვე დაათვალიერა.
"ძველი თბილისი ფეხით მოიარეს მერმა და მალკოვიჩმა. დაათავლიერეს აბანოთუბანის მიმდებარე ტერიტორიები, კალა უბანი, რიყის პარკი. მსახიობი ძალიან ნასიამოვნები დარჩა. როგორც თვითონ აღნიშნა იმაზე მეტად გაოცებული დარჩა, ვიდრე ელოდა. ვფიქრობთ, რომ მის მეხსიერებაში დარჩება ეს ქალაქი", - განუცხადა "ჯი-ეიჩ-ენს" მერიის კულტურის სამსახურის წარმომადგენელმა ნეკა სებისკვერაძემ.
მალკოვიჩი ხვალ გამთენიისას თბილისს დატოვებს, როგორც "ჯი-ეიჩ-ენისთვის" გახდა ცნობილი, სპექტაკლის დასრულების შემდეგ მსახიობს, მერია თბილისში კიდევ ერთი დათვალიერებას მოუწყობს.
"ძალიან ბევრი ადგილი დარჩა სანახავი, თუ მას სპექტაკლის შემდეგ ექნება ენერგია და სურვილი, ჩვენ მას აუცილებლად ვაჩვენებთ თბილისის სხვა ღირშესანიშნაობებს", - განაცხადა, სებისკვერაძემ.
შეგახსენებთ, რომ მსახიობი თბილის ხვალ დატოვებს , მას კვიპროსში სხვა სპექტაკლები უკვე დაგეგმილი აქვს.
