საგარეჯოს რაიონში, ივრის ჭალის სამონადირეო კომპლექსის ტერიტორიაზე ძველი წელთაღრიცხვის მე-13-14 საუკუნეების საკულტო ძეგლი, წმინდა ფშანის სამლოცველო აღმოაჩინეს.
„წყაროს გარშემო არის ძალიან ბევრი შესაწირი მასალა. უამრავი ქოთნები და სავარაუდოდ, ამ ქოთნებში იყო ღვინო. აღმოჩენილია ისეთი ჭურჭელი, რომელსაც ეწოდება მარანი, სითხის რამდენიმე გადმოსასვლელი აქვს და სწორედ იმის მიმანიშნებელია, რომ ამ დროში იყო ღვინის წარმოება. აღმოჩნდა ასევე ადამიანის ძვლები და საქონლის კბილი. ალბად საქონელიც არის აქ შეწირული", - აღნიშნა არქეოლოგმა კოტე ფიცხელაურმა.
სპეციალისტები მიმდებარე ტერიტორიაზე უნიკალური ნივთების აღმოჩენას კიდევ ვარაუდობენ.
