სამედიცინო საქმიანობის სახელმწიფო რეგულირების სააგენტო ერთი კვირის, ნანუკა ხელაშვილის გარდაცვალების მიზეზებს იძიებს. იმ შემთხვევაში თუ ექიმთა ბრალეულობა დადასტურდა, მათ პასუხისმგებლობის საკითხს პროფესიული განვითარების საბჭო იმსჯელებს.
"მედიის მიერ გავრცელებული ინფორმაციის საფუძველზე, დავიწყეთ საკითხის შესწავლა. პაციენტზე მოპოვებული დოკუმენტაცია შემდგომი საექსპერტო დასკვნისათვის გადაეგზავნება შესაბამისი დარგის სპეციალისტებს. თუ გამოვლინდა დარღვევა ნაკლოვანებების საფუძველზე, ექიმების პროფესიულ პასუხისმგებლობის საკითხზე პროფესიული განვითარების საბჭო იმსჯელებს ", - განაცხადა სამედიცინო საქმიანობის სახელმწიფო რეგულირების სააგენტოს სამართლებრივი უზრუნველყოფის სამსახურის უფროსმა, ლიკა უგულავამ.
შეგახსენებთ, რომ ბავშვი 30 აგვისტოს რკინიგზის სამშობიარო სახლში საკესისრო კვეთის შედეგად გაჩნდა. 7 სექტემბერს კი იაშვილის სახელმწიფო კლინიკაში გადაყვანისას გარდაიცვალა.
