ცესკოს თავმჯდომარემ ცესკოს საზოგადოებასთან და საერთაშორისო ურთიერთობების დეპარტამენტის უფროსთან ერთად ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) ორგანიზებით ვარშავაში გამართულ სემინარში მიიღო მონაწილეობა.
სემინარი, სადაც ამომრჩეველთა სიის დახვეწის საკითხებს განიხილავდნენ 31 აგვისტო - 1 სექტემბერს შედგა.
შეხვედრაში სხვადასხვა ქვეყნების საარჩევნო ადმინისტრაციების, საერთაშორისო ორგანიზაციების (IFES, UNDP, IDEA), მოსახლეობის რეგისტრაციასა და სტატისტიკაზე პასუხისმგებელი ორგანოების წარმომადგენლები და ექსპერტები მონაწილეობდნენ; მათ შორის იყვნენ სტუმრები ავსტრიიდან, ფინეთიდან, ალბანეთიდან, პოლონეთიდან, ლიტვიდან, სომხეთიდან და ა.შ. მონაწილეებმა წარმოადგინეს საკუთარი გამოცდილებები ამომრჩეველთა რეგისტრაციის პროცესში, ასევე გაეცნენ დემოკრატიული ინსტიტუტებისა და ადამიანის უფლებების ოფისის რეკომენდაციებს რეგისტრაციის პროცესის დაკვირვების კუთხით.
ვიზიტის პერიოდში საქართველოს ცესკოს თავმჯდომარე პოლონეთის ცესკოს წარმომადგენლებსაც შეხვდა; მხარეებმა ერთმანეთს პოლიტიკური პარტიების დაფინანსების საკითხებში არსებული გამოცდილებები გაუზიარეს.
