საქართველოს პრეზიდენტმა ღმა მწუხარება გამოთქვა 11 სექტემბერს გურიის გზაზე მომხდარი შემზარავი ტრაგედიის გამო. ამის შესახებ ინფორმაციას პრეზიდენტის ადმინისტრაცია აქვეყნებს.
"პრეზიდენტი შეძრა ავტოავარიის შედეგად გამოწვეულმა უბედურებამ, რომლის დროსაც შვიდი ადამიანი გარდაიცვალა, ხოლო 14 მძიმედ დაშავდა. მიხეილ სააკაშვილი სამძიმარს უცხადებს გარდაცვლილთა ოჯახებსა და ახლობლებს და გულისტკივილსა და თანაგრძნობას გამოხატავს დაშავებულთა მიმართ", - აღნიშნულია ადმინისტრაციის მიერ გავრცელებულ განცხადებაში.
ლანჩხუთის მახლობლად, სოფელ ლესასთან, ბათუმიდან თბილისისკენ მიმავალ სამარშრუტო ტაქსს მსუბუქი ავტომობილი შეეჯახა, რომელსაც თურქეთის მოქალაქე მართავდა. ავარიის დროს დაზიანდა ავტობუსიც, რომელიც ერევნიდან თურქეთის მიმართულებით გადაადგილდებოდა.
დაშავებულები თბილისის, ქუთაისის, ლანჩხუთისა და ფოთის საავადმყოფოში რეანომობილებით გადაიყვანეს.
წინასწარი ინფორმაციიით, ავარიის მიზეზად გადაჭარბებული სიჩქარე და მოძრაობის წესების დარღვევა სახელდება.
