ივანიშვილის ცხოვრება და მოღვაწეობა ჟურნალ "Wealth"-ის ყურადღების ცენტრში მოექცა.

ჟურნალის ინფორმაციით, მილიარდერმა ქართველმა ტილო 2006 წლის 3 მაისს, ნიუ იორკში გამართულ აუქციონზე შეიძინა, სადაც ის გასაყიდად შედევრის იმჟამინდელმა მეპატრონემ გამოიტანა.

"დონა მარი" მხატვარმა 1941 წელს შექმნა. დორა მარი იყო ქალი,რომელმაც პაბლო პიკასოს ცხოვრებასა და შემოქმედებაზე დიდი ზეგავლენა მოახდინა. უპირველესად, ესპანელი მხატვარი იმით მოიხიბლა,რომ ქალი ბრწყინვალედ ფლობდა ესპანურს. გარდა ამისა, დორა საოცარი ექსტარვაგანტიზმითა და არაორდინალურობით გამოირჩეოდა.მან ე.წ. „დანით თამაშისას" ორი თითი დაკარგა,ხოლო სისხლიანი ხელთათმანი სახლში გამოსაჩენ ადგილზე დაკიდა. პიკასო მას ხშირად ხატავდა ორი თითის გარეშე და ეს მოსწონდა კიდეც მას. დორა მარის ოცნება იყო მხატვრისთვის შვილი გაეჩინა,თუმცა, სამწუხაროდ, ქალი სტერილური აღმოჩნდა. ამის გამო, პაბლო ხშირად მას დადარდინებულსა და ჩაფიქრებულს ხატავდა. მიუხედავად იმისა,რომ მათი თანაცხოვრება დიდი ხანი არ გაგრძელებულა (სულ რაღაც 9 წელი იყვნენ ერთად), დორა მარი ესპანელი მხატვრის ცხოვრებაში ერთ-ერთი ქალი იყო, რომელმაც პიკასოს ცხოვრებაში დისონანსი შეიტანა.

"დორა მარი" პირველად 1963 წელს გაიყიდა და 21-ე საუკუნემდე ის არც გამოფენაზე და არც აუქციონზე არ გასულა. ტილო მხოლოდ 2005-2006 წლებში მოხვდა ლონდონის, ჰონკონგისა და ნიუ იორკის გამოფენებზე.