დღეს, 10 სექტემბერს, იუსტიციის სამინისტროში ნოტარიუსთა საკვალიფიკაციო გამოცდების პირველი ეტაპი გაიმართა. ნოტარიუსობის მსურველებმა ტესტირება ზოგად უნარ- ჩვევებში გაიარეს.
როგორც "ჯი-ეიჩ-ენს" იუსტიციის სამინიტროდან აცნობეს, გამოცდა კომპიუტერული პროგრამით ჩატარდა, რამაც მონაწილეებს საშუალება მისცა, ტესტის დასრულებისთანავე ენახათ საკუთარი შედეგები. პრეტედენტები, რომლებმაც 100 მაქსიმალურიდან 70 ქულა ან მეტი დააგროვეს, 17 სექტემბერს, პროფესიულ ტესტირებაში მიიღებენ მონაწილეობას.
ტესტების წარმატებით ჩაბარების შემთხვევაში, გამოცდების მონაწილეებს შესაბამისი სერთიფიკატი გადაეცემათ და ისინი ნოტარიუსად მუშაობის უფლებას მოიპოვებენ.
ნოტარიუსთა საკვალიფიკაციო გამოცდებში მონაწილეობის მსურველთა რეგისტრაცია იუსტიციის სამინისტროში 10 აგვისტოდან 6 სექტემბრამდე გრძელდებოდა. მასში მონაწილეობის მიღება უმაღლესი იურიდიული განათლების მოქნე ყველა პირს შეეძლო.
