ტყიბულის მინდელის სახელობის მაღაროში მომხდარ აფეთქებას 34 წლის თემურ გაბრიაძე ემსხვერპლა.
ამის შესახებ "ჯი-ეიჩ-ენს" "საქნახშირის" ტექნიკური დირექტორის მოადგილემ უსაფრთხოების დარგში, ავთო ბოჭორიშვილმა განუცხადა. მისი თქმით, უბედური შემთხვევა მაღაროში, ტექნოლოგიური პროცესის დარღვევამ გამოიწვია.
"ამ დროისთვის ზუსტი მიზეზის თქმა ძნელია. თბილისიდან მოემართებიან სპეციალისტები და ფაქტს შეისწავლიან. დაიკითხებიან თვითმხილველები", - განაცხადა "ჯი-ეიჩ-ენთან" საუბრისას ბოჭორიშვილმა.
მისი თქმით, შემთხვევა დღეს დილით, 11:00 საათისთვის მოხდა.
