11 სექტემბერს თიანეთის მუნიციპალიტეტის ადგილობრივი თვითმმართველობის წარმომადგენლები დაბა თიანეთში მიმდინარე სარეაბილიტაციო სამუშაოს დაათვალიერებენ, კერძოდ: წერეთელის, ჭავჭავაძის, სანიკიძის, თეთრახევის ქუჩების და სოფ. ჟებოტაში ტერიტორიული ორგანოს ადმინისტრაციული შენობიდან სოფლის გასასვლელამდე (ახმეტის მიმართულებით) არსებულ გზის მონაკვეთზე გარე განათების მოწყობის მიმდინარე სამუშაოს, ასევე ჭავჭავაძის, სანიკიძის და თეთრახევის ქუჩების მოასფალტების პროცესს, რომლის სამუშაოის პირველი ეტაპი უკვე დასრულებულია.
სარეაბილიტაციო სამუშო 22 აგვისტოს დაიწყო და სექტემბრის ბოლო რიცხვებისთვის დასრულდება. სამუშაო რეგიონში განსახორციელებელი პროექტების ფონდიდან ხორციელდება და მას სამშენებლო კომპანია შ.პ.ს "ეფექტი" ასრულებს.
გარდა ამისა, თვითმმართველობის წარმომადგენლები ადგილზე მოინახულებენ "სოფლის მხარდაჭერის პროგრამის" ფარგლებში სოფ. სიმონიანთხევის, სოფ. მაგრანეთის, სოფ. ჩეკურაანთგორის და სოფ. ალოტის სასმელი წყლის შიდა ქსელების მოწყობის მიმდინარე პროცესს, ასევე ამავე პროგრამით გათვალისწინებულ სოფ. ჟებოტის, სოფ. თეგერაანების, სოფ. ბალებისხევის და სოფ. ღულელების წყალსადენების სათავე ნაგებობების რებილიტაციას.
აღნიშნული პროექტი 14 მარტს დაიწყო და 78 პროექტს მოიცავს. 74 სოფელში ნაწილი პროექტებისა უკვე შესრულებულია, ხოლო ზემოთ აღნიშნულ სოფლებში დასრულდება ოქტომბრის დასაწყისში. სამშენებლო სამუშაოს ასრულებს სამშენებლო კომპანია შ. პ. ს "რაგო".
