პოეტმა, დავით გოგიბედაშვილმა თავის გვარზე უარი თქვა. როგორც მან "ჯი-ეიჩ-ენთან" საუბარში განაცხადა, გრძელი გვარი აქვს, რომელსაც უცხოელები სწორად ვერ გამოთქვამენ. ამიტომ არჩია გვარის მაგივრად, სახელთან ერთად დაეტოვებინა ფსევდონიმი, რომელითაც ყველა იცნობს.
"ჩემს გვარს, გოგიბედაშვილს, უცხოელები ვერ გამოთქვამენ, ამიტომ გადავწყვიტე ამოვიღო ხმარებიდან. ყველას ვთხოვ, წერის ან საუბრის დროს მომიხსენიოს როგორც - დავით დეფი. არანაირი გვარის დამატებით და ბრჭყალებში ჩასმით. მინდა საქართველოშიც და მის საზღვრებს გარეთაც ერთნაირად მომმართონ", - განუცხადა "ჯი-ეიჩ-ენს" დავით დეფიმ.
შეგახსენებთ, რომ დავით დეფიმ ინტერნეტსივრცეში თავისი გვარი ყველგან ამოიღო და მედიასაშუალებებს სთხოვს, გაითვალისწინონ მისი სურვილი.
"არ ვედრები, მაგრამ ხომ გვყავს ვაჟა-ფშაველა, ტერენტი გრანელი და ა.შ. მინდა მეც ჩემი გვარის გარეშე ვეწერო ყველგან", - ამბობს დეფი.
