"ქრისტიან-დემოკრატები" თელავის რაიონში სასმელი წყლის პრობლემაზე საუბრობენ და საკითხის მოგვარებას ითხოვენ.
სოფელ კურღელაურის მოსახლეობას დღეს პარლამენტის წევრი ნიკა ლალიაშვილი და მაჟორიტარობის კანდიდატი ნიკო ლაშხი შეხვდნენ.
"თელავსა და რაიონის სოფლებში სასმელი წყლის მიწოდება დიდი ხნის პრობლემაა, ხოლო იქ სადაც წყალი მოდის, დაბინძურების გამო, საყოფაცხოვრებო პირობებში, მისი გამოყენება ძალზე საფრთხილოა. სათავე ნაგებობებთან არის საშინელი ანტისანიტარია, იქვე ჩაედინება ფეკალური მასები. ეს პრობლემა აუცილებლად და დაუყოვნებლივ უნდა აღმოიფხვრას" - განაცხადა ლაშხმა.
მისივე თქმით, სტატისტიკა აჩვენებს, რომ განსაკუთრებით ბავშვებში გახშირდა ისეთი დაავადებები, რაც დაბინძურებული წყლის მიღებით შეიძლება იყოს გამოწვეული.
თელავის რაიონში შუალედური მაჟორიტარული არჩევნები 2 ოქტომბერს გაიმართება.
