ხელოშვილების ოჯახი ჩვილის გარდაცვალებაში რკინიგზის სამშობიაროს ექიმებს ადანაშაულს.
როგორც ოჯახის წევრები აცხადებენ, კლინიკიდან ბავშვი მშობიარობის შემდეგ 4 დღეში გაწერეს. ბავშვის გაწერის დროს ოჯახის წევრების თქმით, ბავშვის ჯანმრთელობის მდგომარეობა დამაკმაყოფილებელი არ იყო. მათი თქმით, ბავშვს აღენიშნებოდა არაბუნებრივი სიგამხდრე და სიფერმკრთალე. ამის შემდეგ ბავშვის მდგომარეობა კიდევ უფრო დამძიმდა. მშობლები იძულებულები გახდნენ ბავშვი იაშვილის კლინიკაში გადაეყვანათ. როგორც "ჯი-ეიჩ-ენს" კლინიკის პრესსამსახურმა თამუნა ჩეჩელაშვილმა განუცხადა, ბავშვი კლინიკამდე მიყვანამდე გარდაიცვალა.
"ბავშვი კლინიკამდე მოყვანამდე გარდაიცვალა. როდესაც გვამი მოიტანეს, ჩვენ შესაბამის უწყებები გამოვიძახეთ და ის ექსპერტიზას გადაეცა:, - განაცხადა ჩეჩელაშვილმა.
როგორც რკინიგზის სამშობიაროს პედიატრი ქეთევან ჭიჭინაძემ განაცხადა, ბავშვი მშობიარობის შემდეგ კარგად იყო, თუმცა ოდნავ სიყვითლე აღენიშნებოდა.
