ჯანდაცვის მინისტრი კი თავად ლიტვურმა მხარემ დააფინანსა. როგორც შრომის ჯანმრთეობისა და სოციალური დაცვის მინისტრმა ანდრეა ურუშაძემ აღნიშნულ საკითხზე კომენტირებისას ჟურნალისტებს განცხადა, ის კლაიპედაში ლიტვის ჯანდაცვის სამინისტროს მიწვევით იმყოფებოდა.

"ლიტვაში ცხოვრების ხარჯები მე არ გადამიხდია. ის ლიტვის ჯანდაცვის სამინისტრომ დაფარა", - განმარტა ურუშაძემ.

გარემოს დაცვის მინისტრის გოგა ხაჩიძის განცხადებით კი ის კლაიპედაში ევროპის ჩემპიონატის საკალათბურთო მატჩებზე დასასწრებად საკუთარი ხარჯებით გაემგზავრა.

შეგახსენებთ, რომ კლაიპედაში კალათბურთში ევროპის ჩემპიონატის პირველ ეტაპის შეხვედრები გაიმართა, რომელშიც საქართველოს საკალათბურთო ნაკრებიც მონაწილეობდა. ქართველი კალათბურთელების საგულშემატკივროდ თბილისიდან ლიტვაში სამი ჩარტერული რეისი განხორციელდა. მგზავრებს შორის მთავრობის და საკანონმდებლო ორგანოს წარმომადგენლებიც იყვნენ.