კომპანია Yahoo!-ს გენერალური დირექტორი ქეროლ ბერტცი, დირექტორთა საბჭოს გადაწყვეტილებით, თანამდებობიდან განთავისუფლდა.
"დიდი მწუხარებით გაუწყებთ თქვენ, რომ სულ ახლახანს გამათავისუფლეს. ამის შესახებ მე დირექტორთა საბჭოს წარმომადგენელმა ტელეფონით მაცნობა. ჩემთვის სასიამოვნო იყო თქვენთან მუშაობა",- ამ სიტყვებით ბერტცი, ელექტრონული ფოსტით, საკუთარ თანამშრომლებს გამოემშვიდობა.
Yahoo!-ს დროებით გენერალურ დირექტორად კომპანიის ფინანსური დირექტორი ტიმ მორისი დაინიშნა.
შეგახსენებთ, რომ ბერტცი Yahoo!-ს გენერალური დირექტორის პოსტზე 2009 წლიდან მუშაობდა.
