ავღანეთში გერმანიის 2 მოქალაქის ცხედარი ოიპოვნეს. ისინი გასულ თვეს ქაბულის აღმოსავლეთ პროვინციაში დაიკარგნენ.
"ცხედრები დღეს აღმოვაჩინეთ. ისინი ცეცხლსასროლი იარაღით მოკლეს", - განაცხადა ფარვანის პროვინციის გუბერნატორმა ბასირ სალანგიმ "როიტერთან" საუბრისას.
მისი თქმით, გარდაცვლილებები კუჩის მომთაბარეებმა აღმოაჩინეს.
გერმანიის საგარეო საქმეთა მინისტრმა გვიდო ვესტერველემ აგვისტოს ბოლოს განაცხადა მოქალაქეები დაკარგვის შესახებ. მისი თქმით, ისინი სავარაუდოდ გატაცებულები იყვნენ. გვიდო ვესტერველემ დაკარგულების შესახებ სხვა ინფორმაციის გაცემაზე უარი განაცხადა. დღეს კი ფარვანიის პროვინციის ხელმძღვანელობამ განაცხადა, რომ ისინი გამოიძიებენ მკვლელობის საქმეს და მასზე შესაბამის რეაგირებას მოახდნენ.
დასავლური მედიასაშუალებების ინფორმაციით, ავღანეთში გატაცება "მომგებიანი ბიზნესია". თალიბები ადგილობრივებსა და უცხო ქვეყნის მოქალაქეებს ხშირად იტაცებენ..