სოციალურად დაუცველი მოსწავლეებისთვის სახელმძღვანელოების დარიგება დაიწყო.
საქართველოს ფოსტის საშუალებით, სახელმძღვანელოები პირველად აჭარის რეგიონში გაიგზავნა.
რეგიონში სახელმძღვანელოების ჩატანის პროცესს საქართველოს განათლებისა და მეცნიერების მინისტრის მოადგილე გიორგი ჩახნაშვილი დაესწრო. მისი განცხადებით, სოციალურად დაუცველი ყველა მოსწავლე, რომელიც 2011 წლის 15 სექტემბერს სკოლაში გამოცხადდება, სახელმძღვანელოებს უფასოდ მიიღებს. ამ მიზნით სახელმწიფომ 8 მილიონი ლარი გამოყო, რომლითაც 800 000 სასკოლო სახელმძღვანელო იქნა შეძენილი.
