მუსულმანების მარხვის - რამადანის, დასრულების შემდეგ, სირიის ოპოზიციამ განაახლა ყოველდღიური საპროტესტო აქციები. მათ ქმედებებს სტიმული მისცა ლიბიელი ამბოხებულების მიერ კადაფის რეჟიმის დამხობამ, იუწყებიან დასავლეთის მედიასასუალებები.
სირიის ხელისუფლების მომხრე ძალებისა და პროტესტანტების შეტაკებას მხოლოდ გუშინ 18 ადამიანი შეეწირა.
სირიაში ვითარება ლიბიური სცენარით იძაბება. ქვეყანაში საპროტესტო აქციები მიმდინარეობს, ევროკავშირმა ქვეყნის წინააღმდეგ სანქციები გაამკაცრა. აკრძალულია ნავთობის ექსპორტი.
როგორც დასავლეთის მედია იუწყება ევროკავშირი ლიბიასთან მიმართებაშიც სწორედ ასე მოქმედებდა. გაყინეს კადაფის სახსრები, ასევე ქვეყნის ნავთობის აქტივები. მხოლოდ კადაფის დამხობის შემდეგ, 2 სექტემბერს, „ლიბიის მეგობართა" კონფერენციაზე მოხდა 15 მილიარდი გაყინული სახსრების აღდგენა, რათა ეროვნულმა გარდამავალმა საბჭომ მისი გამოყენება შესძლოს.
ანალიტიკოსები აცხადებენ, რომ არ არის გამორიცხული, ევროკავშირმა სამხედრო ოპერაცია სირიის წინააღმდეგაც წამოიწყოს. თუმცა ამ შემთხვევაში ხელისშემშლელ ფაქტორად რუსეთი აღიქმევა, რომელსაც სირიის წინააღმდეგ ევროკავშირის დაწესებული სანქციები არ მოეწონა. შესაბამისად. არსებობობს მოსაზრება, რომ რუსეთი წინააღმდეგი იქნება სირიაში სამხერო ოპერაციის წამოწყების. ასეთ ვითარებაში რა გამოსავალს ნახავს ევროკავშირი სირიის პოზიციის მხარდასაჭერად ჯერაც გაურკვეველია.
