დუშანბეში დსთ-ს სიუბილეო სამიტი მიმდინარეობს, რომელშიც თანამეგობრობის 11 წევრი ქვეყნის 8 ლიდერი მონაწილეობს. სამიტს არ ეწრება უზბეკეთის პრეზიდენტი ისლამ კარიმოვი. ასევე აზერბაიჯანის პრეზიდენტი ილჰამ ალიევი და ბელორუსის ლიდერი ალექსანდრე ლუკაშენკო.
სამიტის ფარგლებში არ იგეგმება რუსეთის პრეზიდენტის დიმიტრი მედვედევისა და უკრაინის პრეზიდენტის ვიქტორ იანუკოვიჩის შეხვედრა გაზის საკითხთან დაკავშირებით, როგორც ამას ექსპერტები ვარაუდობდნენ.
სამიტზე განხილული იქნება დსთ-ს შემდგომი განვითარების საკითხები, ლიდერები საკუთარ მოსაზრებებს გაცვლიან აქტუალურ საერთაშორისო საკითხებთაბ დაკავშირებით. ასევე განხილულ იქნება ანალიტიკური მოხსენება დსთ-ს საქმიანობა 20 წლის განმავლობაში და ამოცანები პერსპექტივაში.
გავრცელებული ინფორმაციით, სამიტის შედეგების მიხედვით იგეგმება რიგი დოკუმენტების მიღება. უნდა აღინიშნოს, რომ რუსეთმა ტაჯიკეთის პრეზიდენტთან ემომალი რახმონომთან უკვე მიაღწია შეთანხმებას ტაჯიკეთში რუსეთის სამხედრო ბაზების 50 წლით დარჩენის შესახებ.