იაპონიაში ტაიფუნმა "თალასმა" მნიშვნელოვანი ზიანი და მსხვერპლი გამოიწვია. ქვეყნის ხელისუფლების მიერ გავრცელებული ინფიორმაციით, სამხრეთ შვიდ პრეფექტურაში ერთი ადამიანი დაიღუპა სამი დაკარგულია, ხოლო 30 სხვადასხვა სახის დაზიანება მიიღო.
ტაიფუნის გამო ქვეყანაში 350 ავიარეისი გადაიდო. შეფერხებებია ტრანსპორტის მოძრაობაში, დახურულია ჩქაროსნული ავტომაგისტრალები. განსაკუთრებით რთული მდგომარეობაა პრეფექტურა კოტიში და კუნძულ სიკოკუზე, იტყობინება ადგილობრივი მედია.
ქვეყნის ამ რაიონებში ძლიერი წვიმაა, რამდებნიმე ადგილად დაფიქსირდა მეწყერი. ათი ათასობით სახლი ელექტროენერგიის გარეშეა დარჩენილი.
ქვეყნის ეროვნული მეტეოსამმართველოს ინფორმაციით, ტაიფუნმა მნიშვნელიოვანი საფრთხე შეუქმნა კუნძულ ხონსიუს აღმოსავლეთ და დასავლეთ სანაპიროებზე.
კოკისპირული წვიმები აქ კიდე 2 დღე გაგრძელდება. ხელისუფლება მოსახლეობას მოუწოდებს გამოიჩინოს განსაკუთრებული სიფრთხილე წყლის დონის უეცარი მომატების და, შესაბამისად, გამოწვეული რისკების თავიდან ასაცილებლად.
