ამერიკელმა მეცნიერებმა ქვეყნის კოსმოსურ საგენტოს მოუწოდეს, უმოკლედ ვადაში გადაწყდეს კოსმოსური ნარჩენების საკითხი, რომელიც დედამიწის ორბიტაზე საკმაოდ დიდი რაოდენობითაა.
აშშ-ის ეროვნული კვლევითი საბჭოს მოხსენებაში აღნიშნულია, რომ ძველი კოსმოსური აპარატების ნამსხვრევები, გაუქმებული თანამგზავრები სერიოზულ საფრთხელს უქმნიან კოსმოსურ სადგურებსა და თანამგზავრებს.
მეცნიერები ითხოვენ, შემოღებულ იქნას საერთაშორისო რეგულირება კოსმოსური ნარჩენების რაოდენობის შეზღუდვაზე და დაიწყოს მაგნიტური ბადეების შემუშავება, რომელიც უზრუნველყოფს კოსმოსური ნარჩენების შეგროვებას.
