საქართველოში ისეთ ჰალსტუხს გამოუშვებენ, რომლის შეჭმა შესაძლებელი იქნება. გავრცელებული ინფორმაციით, იდეის ავტორი ცნობილი ჟურნალისტი ოლეგ პანფილოვია, რომელიც ამჟამად ლექციებს კითხულობს ილიას უნივერსიტეტში. იდეის თანავტორია „კოალიცია ევროპული საქართველოს" პოლიტიკური საბჭოს წევრი ლევან ჩოლოყაშვილი.
როგორც პანფილოვი სოციალურ ქსელ „ფეისბუქში" თავის გვერდზე წერს, მან გამოგონება უკვე დააპატენტა ინტელექტუალური საკუთრების ცენტრში - „საქპატენტში".
„ჰალსტუხის" შეჭმა ხელს უწყობს საკუთარი ცხოვრების რეფორმირებასა და მისი ხარისხის ზრდას. ზრდის მადას თავისუფლებისა და დემოკრატიისადმი. ხელს უწყობს ავტორიტარიზმის, საბჭოთა მენტალიტეტით, მეზობლების კარგად ყოფნისა და ბედნიერად ხილვის სურვილისს არარსებობის დაავადებისგან განკურნებას. რეკომენდირებულია მისი რეგულარული გამოყენება დაავადების სრულ განკურნებამდე. დამზადებულია ნატურალური პროდუქტებისგან", - ნათქვამია საკვები ჰალტუხის ანოტაციაში.
ცნობილი ხდება, რომ ნოვაციის მთავარი ინგრედიენტი ტყემალი იქნება.
საკვები ჰალსტუხი გაყიდვაში, სავარაუდოდ, უახლოეს დღეებში გამოვა. კონკრეტულად თუ რომელი კომპანია ამზადებს საკვებ ჰალსტუხებს ჯერ-ჯერობით ცნობილი არააა. ასევე უცნობია, ჰალსტუხის დიზანი და რა ლოგო დაამშვენებს მას.
შეგახსენებთ, რომ 2008 წლის აგვისტოს ომის დროს საქართველოს პრეზიდენტმა მიხეილ სააკაშვილმა სატელეფონოს საუბრისას ნერვიულობის ფონზე საკუთარი ჰალსტუხი დაღეჭა. ამ კადრებმა მთელი მსოფლიო მოიარა.
