ლიბიაში ერთი წლის წინ დაკავებული გემის ეკიპაჟის ყველა ქართველი მეზღვაური უკვე საქართველოშია. სარფის საბაჟო გამშვები პუნქტი გემის კაპიტანმა ანტონ ყურაშვილმა და ხუთმა მეზღვაურმა ცოტა ხნის წინ გადმოკვეთა. მათ სარფში ოჯახის წევრები დახვდნენ.
მშრალტვირთმზიდი გემი ლიბიაში შარშან დააკავეს. მას სამშენებლო მასალა გადაჰქონდა, შტორმის დროს კი ტვირთის ნაწილი დასველდა, რის გამოც მეპატრონემ ეკიპაჟის წევრებს უჩივლა. ამის შემდეგ მეზღვაურები ლიბიაში უხელფასოდ იყვნენ.
ეკიპაჟის წევრებმა გემი სასამართლოს ძალით გაყიდეს, გაისტუმრეს გემის პორტში ყოფნის ხარჯები, რის შემდეგაც მეზღვაურებმა საქათველოში დაბრუნება მოახრხეს. გემზე ეკიპაჟის 12 წევრი იყო, აქედან 5 ქართველი, დარჩენი კი უკრაინელები.
