საზოგადოებაში ფართოდაა დამკვიდრებული აზრი, რომ რიგი ფსიქოლოგიური და ბიოლოგიური ფაქტორებიდან გამომდინარე, მამაკაცები უფრო არიან ორიენტირებულნი ღალატზე ვიდრე ქალები. თუმცა აღმოჩნდა, რომ ქალები უფრო ხშირად ღალატობენ.
ამერიკელი ფსიქოლოგების მიერ ჩატარებული კვლევის შედეგად, რომელშიც 2000 რესპოდენტი მონაწილეობდა, აღმოჩნდა რომ ქალების 25 %-ს ერთდროულად, მინიმუმ 2 საყვარელი ჰყავდა. თავის მხრივ, ანალოგიური ვითარება მამაკაცებიდან მხოლოდ 15 %-მა "აღიარა".
საინტერესო ფაქტია, რომ გამოკითხულთა 18 %-ის შემთხვევაში ღალატს ხელი სოციალურმა ქსელებმა შეუწყო. გამოკითხვის მიხედვით, ქალებისა და მამაკაცების უმრავლესობა სხვა ადამიანის შეყვარებას ღალატად არ მიიჩნევს. 50 %-ზე მეტის აზრით კი ერთდროულად რამდენიმე ადამიანის სიყვარული სრულიად გულწრფელია.
მეუღლეებს შორის ღალატის ერთ-ერთი მიზეზი (ორივე სქესში) შემოსავალიც არის. რაც უფრო დიდია შემოსავალი მით უფრო მაღალია შანსი საყვარლის გაჩენის.
ფსიქოლოგები აცხადებენ, რომ თუ კი მამაკცებში ღალატის განმაპირობებელი ვნება და ხელსაყრელი შანსის რეალიზაციაა, ქალები ასეთ ფაქტორად უფრო რთულ მოდელებს ასახელებენ.
