პარიზში დღეს ლიბიაში არსებული სიტუაციის ერთობლივ განხილვას მსოფლიო ლიდერები დაიწყებენ. სამიტი საფრანგეთის პრეზიდენტ ნიკოლა სარკოზისა და დიდი ბრიტანეთის პრემიერ-მინისტრ დევიდ კემერონის ინიციატივით იმართება. სამიტს ამერიკის შეერთებული შტატების სახელმწიფო მდივანი ჰილარი კლინტონი, გაეროს გენერალურ მდივანი პან გი მუნიც დაესწრებიან. პარიზს მთლიანობაში 60 ქვეყნის დელეგაცია ეწვევა. როგორც BBC იუწყება, ლიბიის გარდამავალი საბჭო მსოფლიო ლიდერებს ქვეყნის უსაფრთხოებისთვის, ინფრასტრუქტურის რეაბილიტაციისთვის და დემოკრატიული პროცესებების დასაწყებად დახმარებით მიმართავს. BBC-ს მტკიცებით, პარიზის სამიტი იქნება სიმბოლური, რათა დაინახოს მსოფლიომ, რომ ლიბიის გარდამავალ საბჭოს მსოფლიო არენაზე ადგილი აქვს. სამიტზე იმჯელებენ ლიბიაში უსაფრთხოების გაძლიერებაზე, რაც გამოიხატება ქვეყნის პოლიციისთვის სწავლებების ჩატარება.
ამ დრომდე უცნობია კადაფის ადგილსამყოფელი. მისი შვილი საიფ ალ ისლამი დღეს კიდევ ერთხელ გამოვიდა განცხადებით "ბრძოლა სიკვდილამდე".
