ქარელში 63 წლის ელექტრომექანიკოსი სოფელ სათემოში ელექტროგადამცემ ბოძზე სარეაბილიტაციო სამუშაოებს ემსხვერპლა.
არსებული ცნობით, სამუშაოების დროს ბოძი გადატყდა და გიორგი ტაბატაძე 20 მეტრი სიმაღლიდან ჩამოვარდა. მიღებული ტრავმების შედეგად ის ადგილზე გარდაიცვალა.
სოფელ სათემოს მოსახლეობის განცხადებით, ელექტროგადამცემი ბოძები ამორტიზებულია და მათ ექსპლუატაციის ვადა დიდი ხნის წინ გაუვიდათ, თუმცა თხოვნის მიუხედავად, ელექტროკომპანია მათ გამოცვლაზე უარს აცხადებს.
"ენერგო პრო-ჯორჯიაში" კი აცხადებენ, რომ სარეაბილიტაციო სამუშაოები უსაფრთხოების სრული ნორმების დაცვით ტარდებოდა, ელექტრიკოსი კი უბედურ შემთხვევას ემსხვერპლა.
მომხდარის გამოძიება უკვე დაიწყო.
