თინეიჯერების კერპი, 17 წლის პოპვარსკვლავი ჯასტინ ბიბერი ავარიაში მოყვა. შემთხვევა "სტუდიო-სითის" რაიონში მოხდა, როდესაც ბიბერი თავისი ახალი "ფერარით" სეირნობდა.
ახალგაზრდა მომღერალი "ჰონდას" მარკის ავტომანქანას დაეჯახა. ლოს-ანჯელესის პოლიცია მომხდართან დაკავშირებით მხოლოდ იმას აცხადებს, რომ შემთხვევის შედეგად მნიშვნელოვნად არავინ დაშავებულა.
როგორც მოწმეები აცხადებენ, "ჰონდას" ტიპის ავტომობილი მოულოდნელად გამოვარდა მოსახვევიდან და გეზი პირდაპირ ბიბერის "ფერარისკენ" აიღო.
მიუხეავად იმისა, რომ მანქანები საგრძნობლად არ დაზიანებულა, საქმე მაინც აღიძრა და ერთ-ერთ მძღოლს ჯარიმის გადახდა მოუწევს.
