ხვალ, 1-ელ სექტემბერს, თბილისის ბოტანიკური ბაღი ბავშვებს უფასოდ უმასპინძლებს.
"ტრადიცია გვაქვს, რომ 1-ელ სექტემბერსა და 1-ელ ივნისს პატარებს უფასოდ ვუმასპინძლოთ, რაც წელსაც გაგრძელდება", _ აცხადებს ბოტანიკური ბაღის დირექტორის მოადგილე თემურ ნაკაიძე "ჯი-ეიჩ-ენთან" საუბარში.
ნაკაიძის თქმით, ბოტანიკურ ბაღს მზიან დღეებში 200-300-მდე ვიზიტორი ჰყავს, წვიმიან დღეებში კი მათი რიცხვი ნაკლებია. ზამთარში კი სულ 20-25 ადამიანი სტუმრობს.
შეგახსენებთ, ბოტანიკურ ბაღში 3500 მცენარის სახეობაა, მათ შორის, 700-მდე ადგილობრივი სახეობაა _ წიწვოვანი, მერქნიანი და სხვა ჯიშის მცენარეები.
