საქართველოში ეკოლის ბაქტერიით უკვე რამდენიმე ათეული ადამიანია დაინფიცირებული. ამის შესახებ დაავადებათა კონტროლის ეროვნულ ცენტრში აცხადებენ, თუმცა აქვე აღნიშნავენ, რომ ის შტამი, რომლითაც ევროპაში ათეულობით ადამიანი გარდაიცვალა, საქართველოში ჯერაც არ დაფიქსირებულა.
პრევენციის მიზნით მედიკოსები მოსახლეობას განსაკუთრებული სიფრთხილისკენ მოუწოდებენ და ურჩევენ, პროდუქტები თერმულად დაამუშაონ.
შეგახსენებთ, რომ ეკოლის ბაქტერიამ გერმანიასა და ევროპის სხვა ქვეყნებში 22 ადამიანის სიცოცხლე იმსხვერპლა.
