გროზნოში მომხდარი ტერორისტული აქტის შედეგად დაღუპულთა რიცხვი 8-მდე გაიზარდა.
ამის შესახებ ინფორმაციას რუსული სააგენტოები ჩეჩნეთის ჯანდაცვის მინისტრ შახიდ ახმადოვზე დაყრდნობით ავრცელებენ.
ახმადოვის თქმით, კიდევ ერთი პოლიციელი საავადმყოფოში გარდაიცვალა და ამ დრომე უკიდურესად მძიმე მდგომარეობაში ხუთი დაჭრილი იმყოფება. სულ საავადმყოფოში ტერაქტის დროს დაშავებული 22 პირია მოთავსებული.
არსებული ინფორმაციით, ჩეჩნეთის დედაქლაქში ლენინის რაიონის ბოგდან ხმელნიცკის ქუჩაზე ტერორისტული აქტი სამმა თვითმკვლელმა ტერორისტმა განახორციელა.
პირველი აფეთქება ხმელნიცის ქუჩაზე მაშინ მოხდა, როდესაც პოლიციამ სცადა ეჭვმიტანლილი პირის დაკავება საბუთების შესამოწმებლად. მეორე აფეთქების ხმა კი დაახლოებით ნახევარ საათში გაისმა.
ადგილზე ექვსი პოლიციელი და ერთი მოქალაქე დაიღუპა, ხოლო დაჭრილებს შორის არიან როგორც სამართლადამცველი ორგანოების წარმომადგენლები, ასევე მშვიდობიანი მოსახლეობა.
აღნიშნულთან დაკავშირებთ ჩეჩნეთის რესპუბლიკის მეთუარმა რამზან კადიროვმა განცხადება უკვე გააკეთა და აღნიშნა, რომ პირები, რომლებიც მოწყობილი ტერაქტის ორგანიზატორები არიან, უმკაცრესად დაისჯებიან.
ინციდენტთან დაკავშირებით სისხლის სამართლის საქმეა აღძრული.
