დღეს, 31 აგვისტოს, პოეტ მარინა ცვეტაევას გარდაცვალებიდან 70 წელი შესრულდა. ცვეტაევა 1941 წლის 31 აგვისტოს იელაბუგაში, თათრეთში გარდიცვალა. იგი იყო რუსი პოეტი, პროზაიკოსი, მთარგმნელი. აღიარებულია XX საუკუნის ერთ-ერთი ყველაზე პოპულარულ და ორიგინალურ რუს პოეტად.
მარინა ივანეს ას ცვეტაევა 1892 წლის 26 სექტემბერი (8 ოქტომბერი) მოსკოვში, პროფესორის - ივანე ვლადიმერის ძე ცვეტაევის და მარია ალესქსანდრეს ას მეინ-ცვეტაევას ოჯახშიდაიბადა. ბავშობის წლები მოსკოვსა და ტარუსაში გაატარა, სადაც ახალა ცვეტაევას სახლ-მუზეუმია. ლექსების წერა ექვსი წლის ასაკში დაიწყო და არა მხოლოდ რუსულ ენაზე, არამედ ფრანგულზე და გერმანულზედაც.
1906 წელს გარდაეცვალა დედა. მარინას და მის დას, ანასტასიას, მამა ზრდიდა. სწავლობდა მოსკოვში, ხოლო მოგვიანებით შვეიცარიისა და გერმანიის პანსიონებში. ლექსების გამოქვეყნების შემდეგ ისეთი ცნობილი პოეტების ყურადღება მიიპყრო, როგორებიც იყვნენ ბრიუსოვი, ვოლოშინი და გუმილიოვი.
1912 წელს მარინა ცოლად გაჰყვა სერგეი ეფრონს. რუსეთის სამოქალაქო ომის დროს, სერგეი "თეთრების" მხარეზე იბრძოდა და ბოლშევიკების გამარჯვების შემდეგ, იძულებული გახდა წასულიყო ემიგრაციაში.
1914 წელს ცვეტაევა შეხვდა და დაუმეგობრდა სოფია პარნოკს, რომელსაც 1916 წელს დაშორდა. 1917 წელს შეეძინა ქალიშვილი - ირინა, რომელიც დაბადებისთანავე ბავშვთა სახლში აღმოჩდა და 3 წლის ასაკში შიმშილისგან გარდაიცვალა.
1922 წელს სამშობლოდან მარინაც წავიდა. ემიგრაციაში ჯერ ბერლინში, ხოლო შემდეგ - პრაღაში ცხოვრობდა. 1925 წელს, ვაჟიშვილის გაჩენის შემდეგ, საცხოვრებლად საფრანგეთში გადავიდა, სადაც, ფაქტობრივად, სიღატაკეში ცხოვრობდა. ბინას პარიზის პერიფერიებში ქირაობდა. 1939 წელს სსრკ-ში დაბრუნდა. ორ წელიწადში კი სიცოცხლე თვითმკვლელობით დაასრულა - თავი ჩამოიხრჩო.
