საქართველოს სომეხთა სათვისტომომ მიმართვა-მოწოდებით მიმართა საქართველოს სახალხო დამცველს ქ.თბილისის #103 საჯარო სკოლის სომხურენოვან სექტორში შექმნილ ვითარებასთან დაკავშირებით. ამის შესახებ განცხადებას საქართველოს სომეხთა სათვისტომოს პრესსამსახური ავრცელებს.
მათი განცხადებით, საქართველოს სომეხთა სათვისტომო მოუწოდებს საქართველოს სახალხო დამცველს, ყურადღება მიაქციოს და შეისწავლოს საქართველოს სომეხთა სათვისტომოს მიერ დაფიქსირებული მრავალრიცხოვანი დისკრიმინაციის ფაქტები, ჩადენილი სკოლის დირექციის მიერ. საქართველოს სომეხთა სათვისტომო ასევე ითხოვს სექტორში შექმნილი სიტუაციის შესწავლას და საჭირო ზომების მიღებას.
"2010-2011 სასწავლო წლებში საქართველოს სომეხთა სათვისტომო მონიტორინგს ახორციელებდა ქ.თბილისის #103 საჯარო სკოლის სომხურენოვან სექტორში. საქართველოს სომეხთა სათვისტომოს მიერ დაფიქსირებულია სკოლის დირექციის მიერ სექტორის დისკრიმინაციის და ადამიანის უფლებების დარღვევის მრავალი ფაქტი. საქართველოს სომეხთა სათვისტომომ გადაუგზავნა საქართველოს სახალხო დამცველს მთელი მოპოვებული დოკუმენტაცია და მის მიერ შეგროვებული დისკრიმინაციის ფაქტები, დაფიქსირებული ქ.თბილისის #103 საჯარო სკოლის სომხურენოვან სექტორში. საქართველოს სომეხთა სათვისტომო იმედს გამოთქვამს, რომ დოკუმენტაცია დაეხმარება სახალხო დამცველს საკითხის შესწავლაში. მიმართვაში ნათქვამია, რომ სომხურენოავნი სექტორის დისკრიმინაციის გარდა, სკოლის დირექციის მიერ დაშვებულია აგრეთვე მრავალი სხვა ადმინისტრაციული, ფინანსური, ეთიკური და სხვა დარღვევები", - აღნიშნულია განცხადებაში.
მიმართვის ასლები გადაეგზავნა საქართველოს პრესიდენტს, საქართველოს პრემიერ-მინისტრს, საქართველოს პარლამენტის თავმჯდომარეს, საქართველოს განათლებისა და მეცნიერების მინისტრს, გაეროს და ევროკავშირის საქართველოს წარმომადგენლობებს.
"საქართველოს სომეხთა სათვისტომო იმედს გამოთქვას, რომ საქართველოს სახალხო დამცველის მიერ შესწავლილ იქნება ქ.თბილისის #103 საჯარო სკოლის სომხურენოვან სექტორში დისკრიმინაციის ყველა დაფიქსირებული ფაქტები და შესაბამისი ზომები იქნება მიღებული", - ნათქვამია განცხადებაში.
